भैरहवाका युवालाई बाइक किन्दा कार उपहार

भैरहवा । भैरहवाका एक युवालाई यामाहा कम्पनीको मोटरसाइकल किन्दा कार उपहार परेको छ ।

भैरहवा स्थित किस्मत अटोमोवाइल्स बाट यामाहा कम्पनीको २ लाख ७० हजार पर्ने एफ जेड एस एफ आइ बाइक किनेका रुपन्देहीको गंगोलिया स्थायी घर भएका शिवराज थारुले लक्कि ड्र बाट कार जितेका हुन् ।

यामाहा कम्पनीले दशैं तिहारको समयमा नेपाल अधिराज्यभरबाट एक जनालाई स्कोडा र्यापिक कार उपहार योजना ल्याएको थियो । उक्त गाडीको बजार मूल्य ३६ लाख ४५ हजार शोरुम मूल्य रहेको छ ।

हरेक बाइकमा हात खाली नजाने उपहार योजना ल्याएको यामाहा कम्पनीको बाइकमा माइलेज र इन्जिन राम्रो भएकोले सबैको रोजाइमा पर्न सकेको किस्मत अटोमोवाइल्सका प्रबन्धक कल्याड श्रेष्ठले बताए ।

श्रेष्ठले भने “प्रत्येक मोटरसाइकलको खरिदमा उपहार योजना कम्पनीले ल्याएता पनि पहिलो पटक आधा करोडको उपहार भैरहवामा पहिलो पटक परेको छ ।”

शिबराज थारु भन्छन् “यामाहा कम्पनीको मोटरसाइकल बलियो, टिकाउ र माइलेज राम्रो दिने भएकोले बाइक किन्न आएको र बाइक किन्दा उपहार प्राप्त भयो ।”