एकाएक भारत पुगे विमलेन्द्र निधि- के प्रचण्ड सरकार ढल्न लागेको हो ?
काठमाडौं- नयाँ बनेको पुष्पकमल दाहाल प्रचण्ड नेतृत्वको सरकारले विश्वासको मत लिने तयारी गरिरहेका बेला नेपाली कांग्रेसका नेता विमलेन्द्र निधि भने एकाएक दिल्ली पुगेका छन् । एमाले लगायतका दलहरू मिलेर बनाएको नयाँ सरकारलाइ विश्वासको मतमै रोक्ने प्रयास ततिब्र पारिरहेका बेला निधि एकाएक दिल्ली पुगेका हुन् ।
भारतसँग अत्यन्त निकट मानिने नेता निधिलाई भारतीय जनता पार्टीले निमन्त्रण गरेको बताइएको छ । निधि बिहीबार दिल्ली पुगेका छन् । प्रचण्ड नेतृत्वको सरकार ढाल्न विदेशी शक्तिहरू लागिरहेको चर्चा चलिरहेका बेला निधिको भारत भ्रमणलाई अर्थपूर्ण मानिएको छ ।
कांग्रेस सभापति शेरबहादुर देउवालाई पहिलो चरणमै प्रधानमन्त्री बनाउने निधिको प्रयास असफल भएको थियो । एकाएक प्रचण्डको नेतृत्वमा सरकार बनेपछि छट्पटाएको कांग्रेस अहिले प्रचण्डलाई पहिलो चरणमै रोक्ने प्रयासमा लागेको छ ।
भाजपाले नेपालको पछिल्लो राजनीतिक अपडेट लिन निधिलाई दिल्ली बोलाएको बताइएको छ ।
देउवाको दूतको रूपमा विभिन्न नेताहरूसँग निरन्तर संवादमा रहेका निधि दिल्लीबाट कहिले फर्कन्छन भन्ने टुंगो छैन । यसअघि पनि उनले बालकोट र खुमलटारमा संवाद गरेका थिए । निधिकै भर पर्दा देउवाको प्रधानमन्त्री पद खुस्किएको थियो ।