ज्ञानेन्द्रले कप्तानी समाल्दै, नेपाली टोली आज मैदानमा
काठमाडौं – नेपाली राष्ट्रिय क्रिकेट टोलीले विश्व क्रिकेटको पुरानो मेरिलेबोन क्रिकेट क्लब (एमसीसी)सँग आज (सोमबार) खेल्दैछ।
त्रिभुवन विश्वविद्यालय क्रिकेट मैदानमा नेपाली टोली एमसीसी विरुद्ध विहान ९:३० बजे मैदान उत्रिदैछ।
एमसीसीले नेपाल भ्रमणको दोस्रो एक दिवसीय खेल आज नेपालको राष्ट्रिय क्रिकेट टिमविरुद्व खेल्न खेल्दैछ। यसअघि आइतबार युवा टोलीसँग खेलेको एमसीसीले पहिलो खेलमा जित पारिसकेको छ।
नेपाली टिम नयाँ कप्तान ज्ञानेन्द्र मल्लको नेतृत्वमा पहिलो पटक मैदान उत्रिदैछ । ज्ञानेन्द्र स्थायी कप्तानको रुपमा नियुक्त भएपछि पहिलो पटक नेपाली टिमको नेतृत्व गर्न लागेका हुन् ।
खेल अघि संक्षिप्त प्रतिक्रिया दिदै कप्तान ज्ञानेन्द्र मल्लले एमसीसीविरुद्व खेल्न खेलाडीहरु निकै उत्साहीत रहेको बताएका छन्।
यहि भ्रमणमा एमसीसीले नेपालसंग टी–ट्वान्टी र फस्ट क्लास क्रिकेट खेल्नेछ । नेपाली टोली लामो समयपछि एमसीसीसँग फस्ट क्लास क्रिकेट खेल्दैछ।
नेपाली क्रिकेटको बिकासका लागि तयार गरिएको लिगेसी टूर अन्तर्गत एमसीसी टिम नेपाल आएको हो ।