अब सात जनाको अडियो सार्वजनिक गर्न बाँकी छ- दुर्गा प्रसाईं - Himal Post Himal Post
  • ५ असार २०८१, मंगलवार
  •      Tue Jun 18 2024
Logo

अब सात जनाको अडियो सार्वजनिक गर्न बाँकी छ- दुर्गा प्रसाईं



बी एन्ड सी अस्पतालका सञ्चालक दुर्गा प्रसार्इंले पुराना राजनीतिक दलका १० नेता र ५५ बीग हाउसका व्यापारीको भ्रष्टिकरणको कारण मुलुक आर्थिक रूपमा टाट पल्टिएको बताएका छन् । सोमबार वीरगन्जमा आयोजित कार्यक्रमा त्यसको प्रत्यक्ष असर सर्वसाधारण नेपालीमा परेको उनले बताए ।

नयाँ राजनीतिक दलका रूपमा उदाएका व्यक्ति नै भ्रष्टाचारमा संलग्न भएको भन्दै उनले रवि लामिछानेको पार्टी डेड महिना पनि नपुगी भ्रष्टाचारमा लिप्त भएको बताए । ‘डा.ढाकाप्रसाद श्रेष्ठ जस्तै अरु सात जनाको अडियो सार्वजनिक गर्न बाँकी छ । आठवटा ठूला चन्दाका डिमान्डमध्ये एउटा मात्र सार्वजनिक गरिएको हो ।’ उनले भने, ‘बाँकी सात वटाले कति जनाको जग हल्लिन्छ त्यो पछि हेर्नु होला ।’ बाँकी सात मध्ये रविकै पार्टीका तीन जना रहेको पनि प्रसाईंले खुलासा गरिदिए ।

कोरोना महामारीपछि उद्योग व्यवसाय संचालन गर्न धौ–धौ भएको समयमा सरकारको निकम्मापन र बैंकको अत्याधिक बैंक ब्याजदरले उद्योग व्यवसाय बन्द गर्नुपर्ने अवस्थामा आएको उनको भनाइ थियो । पर्सामा पनि वित्तीय संस्थाबिरुद्ध संगठित भएर सरकार र बैंकलाई दबाब दिन परेको सिए अजय चौरसिया र नरेश साहले बताए ।

कार्यक्रममा पुगेका सेवाग्रहीले बैंकले दिने मानसिक दबाब र प्रतिष्ठामा पुग्ने धक्काका कारण पीडितको अगुवाइ गर्ने व्यक्ति र संस्थाको खाँचो भएको समयमा दुर्गा प्रसाईंको साथ पाउँदा आत्मबल मिलेको बताए ।