“चुनावी प्रतिवद्धता पूरा गर्नेछु” : नगर प्रमुख चौधरी

लाल बहादुर एसके

बेलौरी ,कञ्चनपुर । बेलौरी नगरप्रमुख पोतिलाल चौधरीले आफुले चुनावमा गरेका प्रतिबद्धता पूरा गर्दै लैजाने बताउनु भएको छ । आज बेलौरी नगरपालिका ८,९ र १० मा जेष्ठ नागरिकहरुलाई परिचय पत्र वितरण कार्यक्रमको उद्घाटन गर्दै नगर प्रमुख चौधरीले सो कुरा बताउनुभएको हो ।

नगर प्रमुख चौधरीले जेष्ठ नागरिकहरुको लागि नेपाल सरकारले दिएको विभिन्न सेवा सुविधा उपलब्ध गराउनको लागि नगरपालिकाले परिचय पत्र दिन लागेको बताउनु भयो । त्यसैगरि गत आ.ब. मा बेलौरी नगरपालिकाले आफ्नै नगरपालिकाबाट अपाङ्ग परिचयपत्रपनि वितरण गरेको र सामाजिक सुरक्षा भत्ता पनि प्रत्येक वडा वडाबाट वितरण गर्ने व्यवस्था गत वर्षबाट नै मिलाएको नगर प्रमुख चौधरीले बताउनु भयो ।