भावना म्युजिक सोलुसनको प्रस्तुतिमा सानु सुर्खालीको तिजको कोसेली “बटौली” बजारमा (भिडियो सहित)

समीर प्रकाश पाण्डे

नारीहरूको महान् पर्व हरितालिका तिजको अवसरमा तीज सम्बन्धी विभिन्न गीतहरू सार्वजनिक हुने क्रम गर्माएको छ । विगतका वर्षहरूमा झैँ यो वर्ष पनि विभिन्न लय तथा शब्दका तीज गीतहरू धमाधम बजारमा ल्याउन गायक गायिकाहरु यति बेला अति नै व्यस्त हुन थालेका छन् । तीजकै अवसर पारेर गायिका सानु सुर्खालीले पनि ‘बटौली’ बोलको नयाँ गीत बजारमा ल्याएकी छिन् । “बटौली पातलो ज्यान ननाच घटौली” जस्ता शब्दले भरिएको तिज गीतमा सानु सुर्खाली र रञ्जित परियारको आवज सुन्न सकिन्छ ।

गीतमा शब्द संङ्गीत वसन्त थापाले भरेका छन् ।आफ्नो मायालुलाई शरीर को ख्याल गर्नु ज्यान पातलो छ नाच्दा नाच्दै घटौली, ग्याष्टिकको रोगी छउ खान पिनमा ध्यान दिनु दिदी बहिनीले नाच्न कर लाउलान ननाच्नु भन्दै श्रीमान् श्रीमती प्रतिको माया प्रेमलाई आधार बनाएर गीत प्रस्तुत गरिएको छ ।

गीतको भिडियोलाई राजेश घिमिरेको छांयाकनमा चर्चित मोडल तथा निर्देशक शङ्कर बि.सीले निर्देशन गरेका छन् भने नवीन घर्ती मगरको सम्पादन रहेको छ । भिडियोमा बिमल अधिकारी र निशा पुरीको अभिनय देख्न सकिन्छ ।
गीतलाई भावना म्युजिक सोलुसनले बजार व्यवस्थापन गरेको छ ।