बालेन शाहले मागे रवी लामिछानेसँग सहयोग - Himal Post Himal Post
  • १० श्रावण २०८१, बिहीबार
  •      Thu Jul 25 2024
Logo

बालेन शाहले मागे रवी लामिछानेसँग सहयोग



काठमाडौं । काठमाडौं महानगरपालिकाका मेयर बालेन शाहले उपप्रधान तथा गृहमन्त्री रवी लामिछानेसँग सहयोग मागेका छन् । थापाथलीस्थित बागमती नदी किनारमा रहेको अव्यवस्थित र अनधिकृत संरचना हटाउन उनले सहयोग मागेका हुन् ।

मेयर थापाले सहयोग गरिदिन गृहमन्त्रीसँग अनुरोध गरेका छन् । महानगरले बिहीबार एक पत्र लेख्दै उक्त अनुरोध गरेको हो ।

‘थापाथलीस्थित बागमती नदी किनारमा अव्यवस्थित र अनधिकृत रुपमा रहेको संरचना हटाई सो क्षेत्रको संरक्षण एवं सौन्दर्यकरण गर्ने कार्य तत्काल अगाडि बढाउन बागमती सभ्यता एकीकृत विकास परियोजना समेतबाट अनुरोध भइ आएको र सो क्षेत्र खाली गराउन महानगरबाट आवश्यक सबै समन्वय र प्रयास अगाडि बढाइएको भएतापनि सो सफल हुन सकेको अवस्था छैन’, महानगरले लेखेको छ ।

थापाथलीस्थित उल्लेखित क्षेत्रमा रहेका अनधिकृत संरचना हटाइ सौन्दर्यीकरणको कार्य तत्काल सुरु गर्ने कार्यक्रम रहेकोले सो संरचना हटाउन आवश्यक सहयोग एवं समन्वय गरिदिन महानगरले गृह मन्त्रालयलाई अनुरोध गरेको छ ।