चौथो बर्दगोरीया सेती लोकमार्ग फुटबल : सुदुरपश्चिम ११ र इन्द्रेणी युवा क्लब विजयी 

पदम ओझा / बौनिया ,कैैैलाली । 
सकडपुर बौनिया युवा क्लवको आयोजनामा कैलालीको बर्दगोरीया गाउपालिकामा बिहिवारबाट सुरु भएको चौथो बर्दगोरीया सेतीलोक मार्ग खुल्ला फुटबल प्रतियोगितामा शुक्रबार २ वटा खेल सम्पन्न भएका छन ।

शुक्रबार दिउसो १ बजे भएको खेलमा सुदुरपश्चिम ११ ले महेन्द्र स्मृति युवा क्लब साडेपानीलाई शुन्यका बिरुद्ध ४ गोल अन्तरले पराजित गरेको छ । साडेपानीलाई पराजित गर्ने क्रममा सु. प. का कप्तान बिनोद के सि र रङगोल चौधरीले १/१ गोल गरेका हुन भने सन्जय सुनुवारले २ गोल गरेका हुन ।

यसै गरि शुक्रबार नै भएको अन्तिम खेलमा कट्टीपुर युवा क्लबलाई इन्द्रेणी युवा क्लब नौनियाले शुन्यका विरुद्ध ३ गोल अन्तरले पराजित गरेको छ । कट्टीपुर युवा क्लबलाई पराजित गर्ने क्रममा २ गोल इन्द्रेणी युवा क्लबका दिपक रोकाया र एक गोल खेमराज भट्टराईले गरेका थिए ।

प्रतियोगितामा कैलाली जिल्लाका १९ वटा टिमको सहभगिता रहेको छ । चौथो बर्दगोरिया सेति लोकमार्ग फुटबल प्रतियोगिताको मुख्य प्रबर्द्धकमा बर्दगोरिया गाउपालिका रहेको छ भने मुख्य प्रायोजकमा सरस्वती एग्रो इन्डस्टृज रहेको छ ।

प्रतियोगितामा प्रथम र द्दितिय हुनेलाई क्रमशः नगद २ लाख र १ लाख मेडल, प्रमाणपत्र रहेको छ । प्रतियोगिता अन्तर्गत शनिबार हिमालय युवा क्लब मोतिपुर र फोर्टिन जि आर टिकापुर बिच दिउसो १ बजे र शनिबारको अन्तिम खेल घोडाघोडी युवा क्लब बिरुद्ध झगडपुर युवा क्लब बिच खेल हुने खेल संयोजक पुस्प भण्डारीले जानकारी दिनु भएको छ । प्रतियोगितामा दर्शकको उल्लेखनीय सहभगिता रहेको छ ।