गाउपालिका स्तरिय फुटबल: बौनिया र झगडपुरको विजयी सुरुवात

राजेन्द्र रावल / बौनिया ।
बिजया दशमीको अवसरमा बर्दगोरिया गाउपालिका स्तरिय फुटबल प्रतियोगिता वडा नं. २ कुम्भियामा बिहीबार बाट मंगलमय युवा क्लबको आयोजना र बर्दगोरिया गाउपालिका वडा नं. २ को आर्थिक सहयोगमा  सुरु भएको फुटबल प्रतियोगीतामा शुक्रबार दुई खेल सम्पन्न भएका छन् ।

शुक्रबार भएका खेलहरु जित्दै सडकपुर बौनिया युवा क्लब बौनिया र झगडपुरले प्रतीयोगिता विजयी सुरुवात गरेका हुन् ।

शुक्रबार भएको पहीलो र प्रतियोगीता दोश्रो खेलमा बर्दगोरिया २ झगडपुरले बर्दगोरिया ५ भुरुवा (बी) को टिमलाई शुन्यका बिरुद्ध चार गोलले हराएको थियो । त्यस्तै शुक्रबारनै भएको दोश्रो खेलमा बर्दगोरिया १ बौनियाको सडकपुर बौनिया युवा क्लबले बर्दगोरिया १ मुडाको टीमलाई आठ शुन्यको फराकीलो अन्तरले पराजीत गरेको हो ।

प्रतियोगितातामा प्रथम हुनेले १० हजार मेडल,प्रमाणपत्र र द्धितिय हुनेले नगद ५ हजार मेडल प्रमाणपत्र रहेको क्लबका सल्लाहकार गोबिन्द बमले जानकारी दिनु भएको छ । प्रतियोगितामा गाउपालिका भित्रका १४ ओटा टिमको सहभागिता रहेको छ । प्रतीयोगीता अन्तरगत शनिबार दुई खेल संचालन हुने क्लबका सल्लाहकार गोबिन्द बमले बताउनुु भएको छ ।