अमेरिका रहंदै आएकी सृजना साधक राखी गौचन अब संगीत यात्रामा (भिडियो)

काठमाडौं, ११ भदौ

साहित्यका बिबिध बिधामा कलम चलाउँदै आएकी राखी गौचनले नेपाली सांगितीक क्षेत्रमा पनि यात्रा सुरु गरेकी छन् । अमेरिकाको क्यालिफोर्नियामा रहँदै आएकी गौचनको बजारमा आउने अन्तिम तयारीमा रहेको एल्वम ‘रहर’ भित्रको ‘मान्छे नै हुँ म पनि त’ बोलको गीत सार्वजनिक भए संगै नेपाली संगीतकका लागि शशक्त गीतकारको आगमन भएको देखिएको छ ।

गाायिका बानिका प्रधानको आवाजमा रहेको ‘मान्छे नै हुँ म पनि त’ गीत दिनेश शुब्बाको संगीत र गोपाल रसाईलीको संगीत संयोजनमा बजारमा आएको हो । संगीत गुरु भानुभक्त ढकाल र श्याम बागदासले रेकर्डिस्टको जिम्मेबारी सम्मालेको यो गीतले प्रेमको गहिरो अभिब्यक्ती जीवन दर्शनलाई बोकेको छ ।

गीतमाथी बनेको भिडियोलाई सरल तरिकाले कलात्मक बनाईएको छ जुन गीतकार राखी गौचनकै युटुव च्यानल मार्फत भर्खरै सार्वजनिक गरिएको छ ।