“असार महिनालाई लक्षित गरि तयार पारिएको पन्चेबाजा गीत“यानीमाया” बजार (भिडियो सहित)

समीर प्रकाश पाण्डे

नेपाली गीत सङ्गीतमा प्रिय शब्द सङ्गीतका खानी एकनारायण भन्दारीको शब्द सङ्गीत रहेको “ यानीमाया” बोलको पन्चेबाजा गीत हलै मात्र सार्वजनिक भएको छ ।

गायक सङ्गीत शर्मा र देवी घर्तीको स्वर रहेको गीत सङ्गीत शर्माको नाम बाट बजारमा आएको हो, रोजगारीको सिलसिलामा जापानमा बस्दै आएका गायक शर्माले जापानकैबाट आफ्नो स्वर भरेका छन् । उनको यस भन्दा पहिला झर्यो आँसु मात्रै झर्योले दर्शक श्रोताको मन जित्न सफल भएको थियो ।

यस्तै सोही गीतको भिडियोलाई बि-स्टार फिलिम्सले निर्माण गरेको छ, विक्रम चौहानको निर्देशन मा बनेको भिडियोलाई बासु बरालको छायाङ्कनमा मिलन बि.कले सम्पादन गरेका छन् । भिडियोमा चर्चित मोडल सारिका के.सी र सन्देश शर्मा अभिनय रहेको छ भने राम शर्मा र सङ्गिता शर्मा बेहुला बेहुलिको रूपमा देखिएका छन् ।

असारको पहिलो हप्ता बजार मा आउने गीत केही प्राविधिक कारणले गर्दा अल्लिकति ढिलो भए ता पनि गीत ले बजार तताउने मोडेल सन्देश शर्मा बताउछन् । गीतलाई महालक्ष्मी म्युजिक प्रा. लीले बजार व्यवस्थापन गरेको छ ।