चुनाव लड्न सर्लाही किन जाँदैछन् गगन थापा ?
काठमाडौं- कांग्रेस महामन्त्री गगन थापा चुनाव लड्न सर्लाही जाने भएका छन्।
उनी आफ्नो निर्वाचन क्षेत्र काठमाडौं ४ छाडेर सर्लाही ४ बाट उम्मेदवार बन्ने भएका हुन्।
गठबन्धनबाट कांग्रेसको भागमा परेको सर्लाही–४ का लागि थापाले आइतबार मनोनयन दर्ता गराउने भएका हुन्।
उनी सर्लाही ४ बाट एकल सिफारिस भएका थिए। त्यहाँ शेखर कोइराला पक्षका अमरेशकुमार सिंहलाई टिकट दिन संस्थापन पक्षले चाहेको थिएन।
२०६४ सालमा समानुपातिकबाट सांसद बनेका थापा २०७० र २०७४ मा काठमाडौँ –४ बाटै निर्वाचित भएका थिए।
०७४ मा एमालेका डा. राजन भट्टराईलाई झिनो मतान्तरले पराजित गरेका थापा यो पटक आफ्नो जित सुनिश्चित गराउन सर्लाही जान लागेको विश्लेषकहरू बताउँछन्।