प्रचण्डले भने- मलाई चितवनभन्दा गोरखा “कम्फर्टेबल” लाग्यो
काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्डले चितवनबाट चुनाव नलड्ने भएका छन् ।
पार्टीको बैठकमा प्रचण्डले आफू गोरखाबाटै चुनाव लड्ने बताएका छन् । शुक्रबार साँझ बसेको पदाधिकारी बैठकमा उनले यस्तो बताएका हुन् ।
माओवादीका एक नेताका अनुसार प्रचण्डले आफू चितवनबाट चुनाव नलड्ने बताएका थिए । उनले गठबन्धनलाई पनि समय दिन पाइने र चितवन सुनिश्चित नदेखिएकाले गोरखाबाट चुनाव लड्न लागेको बताएका थिए ।
उनले चितवन सुनिश्चित नभएकाले यस्तो निर्णय गरेको बताएका छन् । जहाँबाट पनि लड्न तयार हुनुपर्छ भन्ने आफ्नो मान्यता भएको उनले बताएका थिए ।
उनले बाबुराम भट्टराईसहितका नेताले पनि सोही क्षेत्रमा चुनाव लड्न आग्रह गरेको बताएका थिए ।