भव्य कार्यक्रमका लागि जनकपुर पुगे ओली, नेपाली रेल चढेर स्टेशन पुग्ने

जनकपुरधाम- नेकपा एमाले अध्यक्ष केपी शर्मा ओली भव्य कार्यक्रमका लागि जनकपुरधाम पुगेका छन् । एमालेले आयोजना गरेको भव्य कार्यक्रमका लागि उनी जनकपुरधाम पुगेका हुन् ।

पूर्व मन्त्री तथा लोसपाका प्रमुख सचेतक उमाशंकर अरगरियालगायत हजारौँलाई एमालेमा प्रवेश गराउन अध्यक्ष ओली जनकपुरधाम पुगेको बताइएको छ ।

एमालेले धनुषाको तिनकोरियामा बृह्त पार्टी प्रवेश कार्यक्रम आयोजना गरेको छ । उक्त कार्यक्रममा अध्यक्ष ओलीबाट पूर्वमन्त्री अरगरियासंगै हजारों कार्यकर्ता एमालेमा प्रवेश गर्ने बताइएको छ ।

ओली जनकपुरधाम विमानस्थलबाट सिधा जनकपुर रेल्वे स्टेशन हिडेका छन् । त्यहाँबाट नेपाली रेल चढेर ओली सहितका नेता कार्यकर्ता महिनाथपुर स्टेशनसम्म पुग्ने छन् । त्यहाँबाट पैदल कार्यक्रम स्थल विदेह नगरपालिकाको तिनकोरिया पुग्ने बताइएको छ ।