मध्यरातमा के गर्दैछन् बुटवलका मेयर पाण्डे ? भन्छन्- बोलीकाे विश्वास भएन

बुटवल- बुटवल उपमहानगरपालिकाका मेयर खेलराज पाण्डेले आफूलाई निद्रा लाग्न छोडेको बताएका छन् । उनले मध्यराति सामाजिक सञ्जालमा काम नहुँदा निद्रा लाग्न छोडेको बताएका छन् ।

शनिबार मध्यराति करिब १ बजेको समयमा उनले बुटवलको सडक निर्माणको काम हुन नसकेको कारण निद्रा नलागेको उनले बताएका छन् । आफू निर्वाचित भएपछि सबैभन्दा बढी चासो दिएर गरेको काम नै हुन नसक्दा उनी निरास बनेका छन् ।

पटकपटक सरोकारवाला निकायहरूलाई बोलाएर प्रतिवद्दता गराएका पाण्डेले सडक बिभाग, सडक कार्यालय र निर्माण व्यावसायिमा बाेलीकाे विश्वास नरहेको उल्लेख गरेका छन् ।

माईन्युट गरेको समय पनि सकिएको भन्दै उनले लेखेका छन्, ‘बाटोका कारणले निद लागेन, सडक बिभाग, सडक कार्यालय र निर्माण व्यावसायिमा बाेलीकाे विश्वास रहेनछ । माईन्युट गरेको समय पनि सकियो ।’