जनता समाजवादी पार्टीले गठबन्धन छोड्ने

काठमाडौं- जनता समाजवादी पार्टी (जसपा) गठबन्धन छोड्ने मनस्थितिमा पुगेको छ । जसपाका अध्यक्ष उपेन्द्र यादवले पार्टी बचाउन गठबन्धनबाट बाहिरिने बताएका छन् ।

बिहीबार बालुवाटारमा बसेको सत्ता गठबन्धनको बैठकमा उनले आफ्नो पार्टीले एक्लै लड्दा पनि नौ सिट जित्ने भएकाले गठबन्धनको धेरै आवश्यकता नपर्नेमा बताएका बैठकमा सहभागी एक नेताले जानकारी दिए ।

अध्यक्ष यादवले गठबन्धनले जसपालाई १५ सिटभन्दा बढी नदिने र त्यसमा पनि नौ सिटभन्दा धेरै जित्ने सम्भावना नभएको कुरा पनि राखेको ती नेताले बताए ।

“गठबन्धनले १५ सिट दिने हो । त्यसमा पनि हामीले जित्ने नौ सिट मात्र हो । हामी एक्लै लड्दा पनि यती सिट जित्छौँ,” उपेन्द्रको भनाइ उधृत गर्दै ती नेताले भने, “१५ सिटमा खुम्चियो भने पार्टी छोडेर जानेको संख्या बढ्छ । एक्लै लड्दा पार्टी जोगाउन सकिन्छ ।”