आज अत्यधिक तापक्रम बढ्ने, मौसम विभागले दियो यस्तो चेतावनी
काठमाडौं- देशभर आज अत्यधिक तापक्रम बढ्ने भन्दै जल तथा माैसम विभागले चेतावनी दिएको छ ।
विभगका अनुसार माैसममा आंशिकदेखि सामान्य बदली रहने सम्भावना छ । तराईका केही स्थानहरूमा तापक्रम बढ्ने सम्भावना रहेकोले गर्मीबाट बच्न आवश्यक सतर्कता अपनाउनु महाशाखाले आग्रह गरेकाे छ ।
प्रदेश १, मधेस, बागमती र लुम्बिनी प्रदेशका केही स्थानमा र बाँकी प्रदेशका थोरै भूभागहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको माैसमविद्ले जानकारी दिएका छन् ।
अहिले बिहान देशभर आंशिकदेखि सामान्य बदली रहेको छ । आज राति मधेस प्रदेशमा सामान्य बदली रही अन्य प्रदेशहरूमा आंशिकदेखि सामान्य बदली रहनेछ ।
प्रदेश १ र मधेस प्रदेशका केही तथा बाँकी प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।