पूर्व माओवादी नेताले भने – प्रचण्ड समस्याको सर्जक

नेकपा एमालेका नेता धर्म रेग्मीले माओवादी केन्द्रका अध्यक्ष पुष्पकमल दाहाल ‘प्रचण्ड’लाई समस्याको सर्जक बताएका छन् ।

सामाजिक सञ्जाल ट्वीटरमा लेख्दै कहीं समस्या नभएको ठाउँमा पनि समस्या सिर्जना गरेर त्यसैको वरिपरी रमाउने प्रचण्डको सिद्धान्त रहेको आरोप लगाए ।  

‘प्रचण्ड कमरेडको जीवन सिद्धान्त :  समस्या छैन भने कृत्रिम रूपमा समस्या सिर्जना गर्ने, सबैको ध्यान त्यतै जान्छ, जस्तो शान्त तलाउमा ढुङ्गा हान्दा तरङ्ग पैदा हुन्छ,’ रेग्मीले लेखेका छन्, ‘भएभरको ताकत लाएर समस्या सिर्जना गर्ने र त्यसैको वरिपरि रमाउने ! सेनापति, नेकपा विवाद र MCC ! प्रचण्ड समस्याका सर्जक ।’

सर्वोच्च अदालतले नेकपालाई विभाजन गरिदिएर एमाले र माओवादी केन्द्र ब्युँताएपछि रेग्मी माओवादी छोडेर एमालेमा लागेका थिए । उनी कर्णाली प्रदेशका पूर्वसांसदसमेत हुन् ।