२०७६ जेष्ठ १३, सोमवार

युवा संघले भ्रष्टाचारविरुद्ध अभियान चलाउने

May 15, 2019
17 Views

काठमाडौं । सत्तारुढ दल नेकपाको युवा संगठन युवा संघ नेपालले भ्रष्टाचारविरुद्ध अभियान चलाउने भएको छ ।

२९औँ स्थापना दिवसको सन्दर्भमा संघको कार्यालय बुद्धनगरमा मंगलबार आयोजित पत्रकार सम्मेलनमा अध्यक्ष रमेश पौडेलले युवा संघ र वाइसिएल एकतासँगै भ्रष्टाचारविरुद्धको अभियानमा लाग्ने बताएका हुन् ।

पार्टी शीर्ष नेताहरूको तयारीअनुसार ३ जेठसम्म युवा संगठनको एकता भइसक्ने उनको दाबी छ ।

‘भ्रष्टाचारविरुद्धको शून्य सहनशीलताको सरकारी नीतिलाई साकार पार्न आमयुवा अभियानकै रूपमा लाग्नेछन्,’ उनले भने, ‘सामाजिक विकृति र विसंगतिका विरुद्ध देशव्यापी जागरण अभियान सञ्चालन गर्ने तयारीमा छौँ ।’

एकतासँगै एक युवा एक रोजगारीको अभियानसमेत सञ्चालन हुने पौडेलले बताए । संघले राष्ट्रियता र जनजीविकाको सवालमा आवाज उठाउँदै आएको बताउँदै उनले आगामी दिनमा अझ सशक्त ढंगले अगाडि बढ्ने दाबीसमेत गरे ।

नेकपा अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’को प्रमुख आतिथ्यतामा संघले बुधबार २९औँ स्थापना दिवस मनाउँदै छ ।

विदेश भ्रमणमा रहेकाले संघका संस्थापक अध्यक्षसमेत रहेका नेकपा अध्यक्ष एवं प्रधानमन्त्री केपी ओली भने कार्यक्रममा उपस्थित हुनेछैनन् ।

राष्ट्रिय सभागृहमा हुने सभामा प्रचण्डसहित वरिष्ठ नेताहरू माधवकुमार नेपाल, झलनाथ खनाल, कार्यबाहक प्रधानमन्त्री ईश्वर पोखरेल र महासचिव विष्णु पौडेलले सम्बोधन गर्नेछन् ।

अनेरास्ववियु र अखिल क्रान्तिकारीले सयुक्त रूपमा बुधबार विद्यार्थी दिवस मनाउने भएका छन् । भृकुटीमण्डपबाट प्रभातफेरी गरी भूगोलपार्कमा पुगेर कोण सभा गर्ने अखिल क्रान्तिकारी उपाध्यक्ष सुरेन्द्र बस्नेतले बताए । हरेक वर्ष १ जेठमा दुवै संगठनले विद्यार्थी दिवस मनाउँदै आएका छन् ।

Facebook Comments

सम्बन्धित खवर

नरेन्द्र मोदी : विवादबीच उदय भएका चमत्कारी नेता
विचार/लेख
0 shares6 views
विचार/लेख
0 shares6 views

नरेन्द्र मोदी : विवादबीच उदय भएका चमत्कारी नेता

Himalpost Desk - २०७६, १३ जेष्ठ ०५:०५

- कुमुद अधिकारी प्रारम्भिक जीवन नरेन्द्र दामोदरदास मोदी उर्फ नरेन्द्र मोदीको जन्म १७ सेप्टेम्बर १९५० मा गुजरात राज्यको वडनगरको एउटा…

विप्लव समुहले सेनालाई अपहरण गरेको खुलासा
राजनीति
0 shares10 views
राजनीति
0 shares10 views

विप्लव समुहले सेनालाई अपहरण गरेको खुलासा

himal post - २०७६, १३ जेष्ठ ०१:०५

काठमाडौं : प्रतिबन्धित नेत्रविक्रम चन्द (विप्लव) नेतृत्वको समूहले नेपाली सेनाका एक जवानलाई अपहरण गरेको छ। अपहरणको उक्त घटना विप्लव र…

‘बन्द’ असफल पार्न सरकारले बनायो यस्तो नयाँ योजना
राजनीति
0 shares34 views
राजनीति
0 shares34 views

‘बन्द’ असफल पार्न सरकारले बनायो यस्तो नयाँ योजना

himal post - २०७६, १३ जेष्ठ ००:५९

काठमाडौँ- विप्लव समुहले आयोजना गरेको बन्दलाई असफल पार्न प्रहरीले नयाँ योजना बनाएको बताइएको छ । तीनै सुरक्षा प्रमुखहरुसहितको बैठकमा गृहमन्त्री रामबहादुर…