यात्रुले माइक्रोका स्टाफलाई कुटेपछी…
लोकन्थालीमा माइक्रोबसका चालकलाई कुटेको आरोपमा प्रहरीले तीन जनालाई पक्राउ गरेको छ ।
मध्यपुर ठिमी नगरपालिका–१ लोकन्थलीमा बा. २ ख २१७६ नम्बरको माईक्रोबस चालक नयाँठिमी बस्ने २७ वर्षीय बाबुकाजी श्रेष्ठलाई कुटपिट गरेको अभियोगमा मुगु खछ्याङ गाउँपालिका घर भएका २४ वर्षीय राजकुमार सिंह समेत ३ जनालाई सोमबार दिउसो प्रहरीले पक्राउ गरेको हो ।
उक्त माईक्रोबाट सामान झार्ने क्रममा विवाद हुँदा चालक श्रेष्ठलाई उनीहरुले कुटपिट गरी घाइते बनाएका थिए ।
कुटपिटबाट घाइते भएका श्रेष्ठलाई उपचारको लागि समृद्ध अस्पताल लोकन्थलीबाट थप उपचारको लागि मध्यपुर अस्पताल ठिमी रिफर गरिएको छ । यस सम्बन्धमा आवश्यक अनुसन्धान गरिरहेको प्रहरीले जनाएको छ ।