विश्वकप ट्वान्टी–२० छनोट : नेपालद्बारा म्यानमार ८ विकेटले पराजित
काठमाडौं । मलेसियामा आजबाट सुरू विश्वकप ट्वान्टी–२० एसिया छनोट ‘बी’ को पहिलो खेलमा नेपालले म्यानमारलाइ ८ विकेट ले पराजित गरेको छ ।
मलेसियाको बायुमास ओभर क्रिकेट मैदानमा म्यानमारले टस जितेर ब्याटिङ गरेपछि नेपाललाई ३० रनको लक्ष्य दिएको थियो । नेपालले भने २ विकेट गुमाएर ३ ओभरमा लक्ष्य पुरा गर्यो ।
नेपालले ब्याटिङमा आज पनि सुरुवात राम्रो गर्न सकेन। नेपालले स्कोरबोर्डमा रन नजोड्दै ओपनर प्रदिप ऐरीलाई गुमायो । त्यसपछि अनिलकुमार शाह पनि ११ रनमा आउट भएपछि नेपालले १२ रनमा दोस्रो विकेट खेर फाल्यो । तर ,त्यसपछि करण केसीले अविजीत १४ रन बनाउदा नेपालले सहज जित हात पार्यो ।
नेपालले टस हारेर फिल्डिङ गरेको थियो । नेपालका लागी सन्दिप लामिछानेले ४ तथा ललित राजबंशीले ३, करण केसी र ललित भण्डारीले एक-एक विकेट लिदा नेपालले ३० रनको लक्ष्य पाएको थियो ।फाइल तस्बिर :