रुपन्देही २ का निर्वाचन अधिकृत फरार

रुपन्देही- रुपन्देही क्षेत्र नम्बर २ का निर्वाचन अधिकृत उदबिर नेपाली फरार भएका छन् । मङलबार मध्यरातमा केहि उम्मेदवारहरूको उम्मेदवारी खारेज गरेर विवादमा मुछिएका नेपाली बुधबार अपरान्हसम्म सम्पर्कमा छैनन् ।

राति १२ बजे रुपन्देही २ का गठबन्धनका उम्मेदवार राजु गुरुङ र लौरो चुनाव चिन्हबाट उठेका डा. निकोलस भुसालको उम्मेदवारी खारेज गरेर कार्यलयबाट निस्किएका नेपाली फरार भएको भन्दै सामाजिक सञ्जाल तातेको छ ।

निर्वाचन अधिकृत नेपाली यसअघि राष्ट्रिय सभा अध्यक्ष गणेश तिमिल्सिनाका स्वकिय सचिव रहेको र उनकी श्रीमती गण्डकी प्रदेशसभामा एमालेको उम्मेदवार रहेको समेत खुलेको छ । नेपाली एमाले नेताहरूको प्रभावमा परेर अनधिकृत काम गरेको आरोप समेत लागेको छ । हामीले पनि पटकपटक सम्पर्क गर्न खोज्दा मोबाइल स्विच अफ छ ।

गठबन्धनका उम्मेदवार राजु गुरुङको मुद्दा अदालतमा विचाराधीन रहेको र डा. निकोलस भुसालले कुनै लाभको पद नलोएको टिचिङ अस्पतालमा छात्रवृत्तिमा अध्ययन गरिरहेको खुलेको छ । निकोलसले टिचिङ अस्पतालबाट बैसाखदेखि कुनै सेवा सुबिधा समेत नलिएको खुलेको छ ।