मिनी ट्रक र मोटरसाईकल एक आपसमा ठोक्किदा कैलालीमा दुई जनाको मृत्यु
कैलाली । कैलालीमा मिनी ट्रक र मोटरसाईकल एक आपसमा ठोक्किदा मोटरसाईकलमा सवार दुई जनाको मृत्यु भएको छ ।
सोमबार गोदावरी नगरपालिका- ९ बल्मीमा मिनी ट्रक र मोटरसाईकल एक आपसमा ठोकिदा मोटरसाईकलमा सवार कञ्चनपुरको कृष्णपुर नगरपालिका- ४ का ५० वर्षिय तेज बहादुर रावल र डडेल्धुरा नवदुर्गा गाँउपालिकाका बीर बहादुर रावलको मृत्यु भएको प्रहरीले जनाएको छ ।
पूर्वबाट पश्चिम तर्फ जादै गरेको से ३ प ९४२९ नम्बरको मोटरसाईकल र पश्चिमबाट पूर्वतर्फ जादै गरेको भे १ ख १४१४ नम्बरको मिनी ट्रक बल्मीमा आपसमा ठोकिदा घाईते भएका मोटरसाईकलमा सवार दुबै जनाको सेती अञ्चल अस्पतालमा मृत्यु भएको हो ।
मिनि ट्रक चालक बाँकै बैजनाथ गाँउपालिका- १ का २९ वर्षीय मान बहादुर ओलीले रहेको प्रहरीले जनाएको छ ।
मिनी ट्रक र चालक ओलीलाई प्रहरीले नियन्त्रणमा लिएको छ ।फाईल तस्विर