तीजको अवसरमा रेडियो धनगढीद्बारा खुल्ला नृत्य प्रतियोगिताको आयोजना
हिमाल पोस्ट /धनगढी ,कैलाली ।
सुदूरपश्चिम मिडिया मिसन प्रा.लि द्धारा सञ्चालित कैलालीको धनगढी उपमहानगरपालिका -३ विशालनगरमा रहेको रेडियो धनगढी ९०.५ मेगाहर्जले हरितालिका तीजको अवसरमा खुल्ला नृत्य प्रतियोगिता आयोजना गर्ने भएको छ ।
सदाका वर्षझै यस वर्ष पनि रेडियो धनगढीले हिन्दु महिलाहरुको महान पर्व हरितालिका तीजको अवसरमा भदौ २३ गते शनिवार खुल्ला महिला एकल नृत्य प्रतियोगिताको आयोजना गर्ने जनाएको छ ।
तीजको अवसरमा खुल्ला महिला एकल नृत्य प्रतियोगिता भदौ २३ गते धनगढी चौराहामा हुने स्टेशन म्यानेजर हरि जोशीले जानकारी दिनुभयो ।
प्रतियोगितामा प्रथम हुनेलाई २० हजार बराबरको स्मार्ट फोन, द्धितिय हुनेलाई १० हजार बराबरको बार फोनका साथै आकर्षक पुरुस्कार तथा प्रमाणपत्रको व्यवस्था गरिएको अध्यक्ष राजु चन्दले बताउनुभयो ।
सहभागि हुन इच्छुक महिला दिदी वहिनीहरुलाई रेडियो धनगढीको कार्यालयमा आफ्नो नाम दर्ता गराउन पनि रेडियोले आग्रह गरेको छ ।