तानसेनमा बस दुर्घटना: १३ घाइते, चार गम्भीर
पाल्पा– तानसेनको होलाङ्दीमा बुधबार बेलुकी दुईवटा बस एकआपसमा ठोक्किदाँ १३ जना घाइते भएका छन् ।
बुटवलबाट तानसेनतर्फ आइरहेको लु १ ख ११७६ नम्बरको बस र विपरित दिशाबाट आइरहेको लु १ ख ८४२७ नम्बरको बस एकआपसमा ठोक्किदाँ १३ जना यात्रु घाइते भएका हुन् ।
घाइतेहरूको तानसेन प्रभासस्थित लुम्बिनी मेडिकल कलेजमा उपचार भईरहेको छ । घाइतेमध्ये चार जनाको अवस्था गम्भीर रहेको छ ।
दुर्घटनामा परी पाल्पाका तीन जना र गुल्मी जिल्लाका १० जना यात्रु घाइते भएको जिल्ला प्रहरी कार्यालय पाल्पाका प्रहरी नायव उपरीक्षक कृष्णराज सापकोटाले बताए ।
गुल्मीबाट पाल्पा हुँदै बुटवल जाँदै गरेको बस र बुटवलबाट पाल्पा आएको बस होलाङ्दीको घुम्तीमा एकआपसमा ठोक्किएको थियो । फाइल तस्बिर