एक केजी सुनसहित एक जना पक्राउ
काठमाडौं । गोकर्णेश्वर नगरपालिका–५ गोठाटार पुल छेउबाट एक केजी सुनसहित एक जना पक्राउ परेका छन् ।
भक्तपुर ठिमी बस्ने रामेछाप खाडादेवी गाउँपालिका–९ का २९ वर्षीय विशाल लामालाई सोमबार साँझ प्रहरीले फाइन गोल्ड लेखिएको सुनसहित पक्राउ गरेको हो ।
महानगरीय प्रहरी वृत्त बौद्धबाट खटिएको प्रहरीले उनलाई पक्राउ गरेको हो । उनलाई पक्राउ गरेर थप अनुसन्धान थालिएको प्रहरीले जनाएको छ ।