सुनको मूल्य सबैभन्दा उच्च

काठमाडौं । बुधबार बजारमा सुनको मूल्य ७२ हजारभन्दा माथि पुगेको छ । नेपाल सुनचाँदी व्यावसायी महासंघले दिएको जानकारी अनुसार आज सुनको मूल्य साताकै सबैभन्दा उच्च भएको हो ।

मंगलबार बजारमा प्रतितोला ७२ हजार रुपैयाँमा कारोबार भएकोमा सुन बुधबार प्रतितोला एक सय रुपैयाँ बढेर तोलाको ७२ हजार एक सय रुपैयाँमा कारोबार भइरहेको छ ।

आजको लागि छापावाला सुन प्रतितोला ७२ हजार एक सय र तेजावी सुन प्रतितोला ७१ हजार आठ सय रुपैयाँ पुगेको छ ।