एडीलेड नेपाली समाजको चौथो साधारण सभा सम्पन्न

हिमाल पोष्ट/अस्ट्रेलिया।

सन् २०१२मा साउथ अस्ट्रेलियाका नेपालीहरूको साझा सस्थाको रूपमा स्थापना भएको एडीलेड नेपाली समाजले एक कार्यक्रमका बिच चौथो साधारण सभा सम्पन्न गरेको छ।

सन्तोषी गौतमको अध्यक्षता भएको उक्त कार्यक्रममा उप- सचिव मन्जु खड्काले वार्षिक कार्यक्रम प्रस्तुत गरेकी थिइन।गैर आवासीय नेपाली सङ्घ साउथ अस्ट्रेलियाका संयोजक नवीन कंडेलको प्रमुख अतिथिको रहेको सो कार्यक्रममा सस्थाका सदस्य, सल्लाहकारहरु लगायत विभन्न संस्थाहरूको सहभागिता रहेको थियो।

उक्त कार्यक्रममा कोषाध्यक्ष क्षितिज सापकोटाले आर्थिक प्रतिवेदन प्रस्तुत गरेका थिए। समाजले वार्षिक रूपमा तीज कार्यक्रम , पाठेघर क्यान्सर सम्बन्धी नेपाली समुदाय माझ जनचेतना मूलक कार्यक्रम गर्दै आएको अध्यक्ष गौतमले बताईन । नेपाली कला संस्कृतिकको प्रबर्दन गर्दै यहाँ हुर्कदै गरेको दोस्रो पुस्तालाई सिकाउनको लागि विभन्न चाड पर्वहरुमा समेत कार्यक्रम गर्दै आएको संस्थाका उपाध्यक्ष यदु आचार्यले बताए ।

संस्थाले गर्ने कार्यक्रमहरूको बारेमा बताउँदै उनले थपे “अस्ट्रेलिया डेको अवसरमा हुने बृह्यत कार्यक्रममा विभन्न संस्कृतिक झाकी सहित परेडमा हामीले सहभागिता जनाउदै आएका छौ , साथै नेपालमा गएको भूकम्प पीडितलाई समेत सहयोग गरेका थियौ ।” यहाँ हुर्कदै गरेका बालबालिकाहरुलाई नेपाली भाषा , संस्कृतिको बारेमा पढाउने उद्देश्य सहित संस्थाले सन् २०१५ देखि एडीलेड नेपाली विद्यालय सञ्चालन गर्दै आएको बिद्यालयकी  प्रिन्सिपल तथा उप – सचिव मन्जु खड्काले बताइन ।

यहाँको स्थानीय पुस्तकालय गुडवुड पुस्तकालयसंग सम्वन्य गरेर साउथ अस्ट्रेलियाका पुस्तकालयमा नेपाली पुस्तकहरू पाउन सक्ने व्यवस्था समेत गरेको खड्काले जानकारी दिइन।