सिटौला समूहको समर्थन गगन थापालाई

काठमाडौं- नेपाली कांग्रेसका महामन्त्री गगन थापालाई युवा नेता एवम् प्रतिनिधि सभा सदस्य प्रदीप पौडेलसहित कृष्ण सिटौला समूहको समेत समर्थन गर्ने भएको छ ।

अन्तिम समयमा महामन्त्री गगनकुमार थापाको पक्षमा खुलेका प्रदीप पौडेल सिटौला समूहका नेता हुन् । ढुलमुले प्रवृत्तिका कारण सिटौला समूहमा धेरै नेता भने छैनन् ।

महामन्त्री थापाले संसदीय दलको नेतामा मनोनयन दर्ता गराउँदा पौडेल समर्थक बनेका छन् । १४औं महाधिवेशनमा उनी सिटौला खेमाबाटै महामन्त्रीको उम्मेदवार बनेका थिए । तर, उनी पराजित भए ।

उनी मंसिर ४ मा सम्पन्न प्रतिनिधि सभा सदस्य निर्वाचनमा काठमाडौं ५ बाट निर्वाचित सांसद हुन् ।