सिन्धुली १ मा कांग्रेस नेता श्याम घिमिरेको शानदार जित
काठमाडौं- सिन्धुली क्षेत्र नम्बर १ बाट नेपाली कांग्रेस केन्द्रीय सदस्य श्यामकुमार घिमिरे प्रतिनिधिसभा सदस्यमा निर्वाचित भएका छन् ।
घिमिरेले निकटतम् प्रतिस्पर्धी नेकपा (एमाले)का प्रदीप कटुवाललाई पराजित गरेका हुन् ।
निर्वाचन आयोगले दिएको जानकारीअनुसार सिन्धुली १ बाट घिमिरे ३० हजार ३९१ मतका साथ विजयी भए ।
प्रतिस्पर्धी एमालेका प्रदीप कटुवालले २५ हजार ५४६ मत प्राप्त गरेका छन् ।
०७४ मा घिमिरे कटुवालसँग पराजित भएका थिए ।