कांग्रेस अपडेट: देउवा अधिअघि, शेखर पछिपछि
काठमाडौं- नेपाली कांग्रेस सभापतिमा शेरबहादुर देउवाले अग्रता बढाउदै लगेका छन्।
कांग्रेस केन्द्रीय निर्वाचन समितिका अनुसार २ हजार ६ मत गणना हुँदा देउवाले ९५८ मत प्राप्त गरेका छन्।
त्यस्तै, सभापतिका उम्मेदवार डा. शेखर कोइरालाले ७२६ मत पाएका छन्। यसैगरी, प्रकाशमान सिंहले १७१, विमलेन्द्र निधिले ११७ र कल्याण गुरुङले ७ मत पाएका छन्।
आज बिहान ४ बजेदेखि मतगणना शुरु भएको हो। गएराति साढे ११ बजेसम्म मतदान भएको थियो।
कांग्रेसको निर्वाचनमा ४ हजार ६७९ मत खसेका छन्। कूल ४ हजार ७४३ मतदाता रहेका थिए।
सभापतिमा निर्वाचित हुन ५० प्रतिशत भन्दा बढी मत ल्याउनुपर्छ। ५० प्रतिशत मत नआएमा सबैभन्दा बढी मत ल्याउने दुई जनाबीच दोस्रो चरणमा मतदान हुन्छ।