शेखर गगनलाई आउट गरेर कांग्रेस इतर समूहको बैठक
काठमाडौं- संसदीय दलमा एकमात्र उमेदवार बनाउन कांग्रेस संस्थापन इतरका शीर्ष नेताहरूको बैठक अहिले जारी छ ।
छलफलमा सहभागी एक सांसद्का अनुसार केहीबेर अघि साझा छलफल गरिएको थियो । तर, सहमति जुट्न नसके पछि पुनः बैठक बसेको हो ।
उक्त बैठकमा संसदीय दलका आकांक्षीहरू शेखर कोइराला र महामन्त्री गगन थापालाई बैठक बाहिर राखिएको छ ।
“उमेदवारहरुलाई बाहिर राखेर हामी पुनः छलफलमा बसेका छौँ,” बैठकमा सहभागी एक सांसदले भने । ती सांसदले स्थान भने खुलाउन चाहेनन् ।
संसदीय दलको निर्वाचन बुधबार हुँदै छ ।