शशांकले मागे गगन थापाका लागि भोट

काठमाडौं । कांग्रेस महामन्त्री गगन थापाले संसदीय दलको नेतामा शशांक कोइरालासँग सहयोग मागेपछि कोइरालाले केहि सांसदसँग भोट मागेका छन् । शशांक निवासमै पुगेर गगनले सहयोग मागेपछि शशांकले सांसदहरूसँग भोट मागेका हुन् ।

शशांक निवास पुगेर थापाले आशिर्वाद माग्दै सहयोगका लागि आग्रह गरेका हुन् । घरमै भेट्न पुगेका गगनलाई शशांकले अंक गणितमा जित्ने अवस्था नभएको भन्दै उमेदवार किन बनेको भनेर गगनलाई प्रश्न गरेका थिए ।

थापाले भने कांग्रेस कार्यकर्ता र जनताको आवाज सुनेर आफू उमेदवारी दिएको बताएका थिए । गगनले सके चुनाव जित्ने नभए पनि सम्मानजनक भोट ल्याएर देउवालाई जिम्मेवार बनाउन भूमिका खेल्ने बताएका थिए ।

त्यसपछि शशांकले केही सांसदहरूलाई फोन गरेर गगन थापालाई भोट दिन आग्रह गरेका थिए ।शशांकले थापालाई शुभकामना दिएर बिदा गरेका थिए ।