पार्किङ गरि राखिएको स्कारपियोमा आगजनी

विशाल पाण्डेय / घोडाघोडी ।
कैलालीमा अज्ञात समुहले घर अगाडी पार्किङ गरि राखिएको स्कारपियोमा आगजनी गरेका छन् । घोडाघोडी नगरपालिका- १ सुन्दरपुरका नेकपाका स्थानिय नेता गौरी प्रसाद जोशीले आफ्नै घर आगाडी पार्किङ गरि राखिएको बा ९ च ६५९७ नम्बरको स्कारपियो गएराति करिब १२ बजेतिर अज्ञात समुहद्बारा आगजनी गरिएको ईलाका प्रहरी कार्यालय सुखडले जनाएको छ ।

आगजनीवाट कारको अगाडीको भाग जलेर क्षति भएको ईलाका प्रहरी कार्यालय सुखडका प्रमुख प्रहरी निरीक्षक हरिश शरण भट्टले जानकारी दिए ।

जोशी तत्कालीन माओवादीका केन्द्रीय सदस्य थिए । पार्टी एकीकरण पछि उनी जिम्मेवारी विहीन रहेको प्रहरीले जनाएको छ । अज्ञात समूहले आगजनी गरेको गाडी पनि तत्कालीन एकीकृत माओवादीकै नाममा रहेको प्रहरी निरिक्षक भट्टले बताए ।

आगलागी कसले र किन गरेको हो भन्ने बारेमा खोजी तलासि भइरहेको प्रहरी निरीक्षक भट्टले बताए ।