नेपाल एसबीआई बैंकको लाभांश कति ?
काठमाडौं : नेपाल एसबीआई बैंकले लाभांश को घोषणा गरेको छ । घोषणा अनुसार १६.८४% लाभांश दिने भनिएको छ ।
बैंकको आइतबार बसेको सञ्चालक समिति बैठकले गत वर्षको नाफाबाट ६% बोनस सेयर र १०.८४% नगद लाभांश दिने निर्णय गरेको हो । यसर्थ, बैंकले ५० करोड ६९ लाख ५५ हजार रुपैयाँ बराबरको बोनस वितरण गर्नेछ । यस्तै, ९१ करोड ५८ लाख ९८ हजार ७०० रुपैयाँ नगद वितरणमा खर्च गर्नेछ ।
नियामक राष्ट्र बैंक र आगामी साधारण सभाले अनुमोदन गरेपछि लगानीकर्तालाई वितरण सुरु गरिनेछ ।हाल यस बैंकको चुक्ता पुँजी ८ अर्ब ४४ करोड ९२ लाख ५० हजार रुपैयाँ रहेको छ । बोनस वितरणपछि पुँजी ८ अर्ब ९५ करोड ६२ लाख ५ हजार रुपैयाँ पुग्नेछ ।
असार मसान्तसम्म बैंकले २ अर्ब ३० करोड ३६ लाख रुपैयाँ खुद नाफा कमाएको छ । प्रतिसेयर आम्दानी २७ रुपैयाँ २६ पैसा (बार्षिक) रहेको एसबीआइको प्रतिसेयर नेटवर्थ १६७ रुपैयाँ ८९ पैसा छ ।
