सरकारलाई अर्को झट्का: चुरेको गिट्टी, बालुवा बेच्ने निर्णय रोक्न सर्वोच्चको आदेश

काठमाडौं- सर्वोच्च अदालतले सरकारका एकपछि अर्को कदममा झट्का दिन थालेको छ । आजपनि सरकारको निर्णय कार्यान्वयन नगर्न सर्वोच्चले अर्को अन्तरिम आदेश जारी गरेको छ ।

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश जारी गरेको हो ।

रिट निवेदनको सुनुवाइका लागि प्रधान न्यायाधीश चोलेन्द्र शम्शेर जबराले आफ्नो नेतृत्वमा न्यायाधीश दीपक कार्की, मीरा खडका, हरिकृष्ण कार्की र विश्वम्भर प्रसाद श्रेष्ठ सम्मिलित इजलास गठन गरेका थिए ।