सांसदमाथि चक्कु प्रहार

एजेन्सी : हङकङमा चीन समर्थक सांसदमाथि बुधबार चक्कु प्रहार भएको छ । सांसद जूनिस हङकङको बाहिरी क्षेत्रस्थित आफ्नो निर्वाचन क्षेत्र तेन मूनमा चुनाव प्रचार गर्न गएका बेला उनीमाथि आक्रमण भएको हो ।

पुष्पगुच्छा लिएर आएका व्यक्तिले सांसदमाथि आक्रमण गरेका थिए । आक्रमणकारीले ती सांसदसँग फोटो खिचाउन अनुरोध गरेका थिए । उनले एक्कासि चक्कु निकालेर आक्रमण गरेका थिए । प्रजातन्त्रको पक्षमा प्रदर्शन गर्दै आएका व्यक्तिबीच जूनिस निकै अलोकप्रिय मानिन्छन् । आक्रमणबाट ३ जना घाइते भएको प्रहरीले जनाएको छ । प्रहरीले उनलाई तत्कालै पक्राउ गरेको थियो । गत आइतवार एक व्यक्तिले प्रजातन्त्रको माग गर्दै आएका चक्कु प्रहार गरेका थिए ।