सल्यानमा जीप दुर्घटना, दुईको मृत्यु, आठ घाइते

काठमाडौं । सल्यानको त्रिवेणी गाउँपालिका-४ फलावाङस्थित बडागाउँमा जीप दुर्घटना हुँदा दुई जनाको मृत्यु भएको छ । उक्त दुर्घनामा परी आठ जना घाइते भएका छन् ।

सल्यान फलावाङबाट दाङ जाँदै गरेको रा१ज ४३२ नम्बरको जीप बिहान साढे १० बजे तिर अनियन्त्रित भई दुर्घटना भएको हो ।

प्रहरीका अनुसार मृत्यु हुनेमा फलावाङका ६० वर्षकी कृष्ण देवी परियार र ५९ वर्षीय यज्ञी थापा रहेका छन् । उनीहरूको घटनास्थलमै मृत्यु भएको प्रहरीले जनाएको छ । दुर्घटनामा सवारी चालक सन्दीप परियारसहित अन्य आठ जना घाइते भएका छन् ।