लिभरपुलका सलाह फुटबलर अफ दि इयर घोषित

एजेन्सी । इन्ग्लिश क्लब लिभरपुलका फरवार्ड मोहमद सलाह फुटबल राइटर्स एसोसियसन फुटबलर अफ दि इयर घोषित भएका छन् । फुटबल राइटर्स एसोसियसनले मंगलबार सलाहलाई राइटर्स फुटबलर अफ दि इयर घोषित गरेको हो ।

एसोसियसनले आफ्रूसंग आबद्द रहेका ४ सय पत्रकारले गरेको भोटको आधारमा सलाहलाई यो अवार्ड दिएको हो । यो अवार्ड जित्ने क्रममा सलाहले म्यानचेस्टर सिटीका केभिन डी ब्रुने र टोटनह्यामका ह्यारी केनलाई पछि पारेका हुन् । सलाहले यसै सिजन फुटबलर एसोसियसनले दिने प्लेयर अफ दि अवार्ड समेत जितेका थिए । महिलातर्फको अवार्ड चेल्सीका फरवार्ड फ्रान किर्बेले हात पारिन् ।

इजिप्टमा २५ बर्षीय फरवार्ड सलाहले यो सिजन प्रिमियर लिगको ३४ खेलमा ३१ गोल गरेका छन् । सलाह गोल्डेन बुटको दाबेदार खेलाडी हुन् । यसै सिजन लिभरपुल आएका सलाहले सबैखाले प्रतियोगितामा ४३ गोल गरेका छन् ।