सहारा घरमा संयुक्त रुपमा सहयोग
बिशाल पाण्डेय / सुखड,कैलाली ।
कैलालीको बर्दगोरिया गाउपालिका- २ बर्दगोरियामा रहेको सहारा घरलाई संयुक्त रुपमा सहयोग गरिएको छ ।
सोमबार घोडाघोडी नगरपालिका १ सुखडमा घर भएका युवाहरुले ब्यक्तिगत रूपमा सहारा घरमा चामल , लत्ताकपडा , लोबेट ,चाउचाउ ,बिस्कुट , दाल , तेल लगायतका सामानहरु संयुक्त रुपमा सहयोग गरेका हुन ।
सहयोग गर्नेमा वाशीष्ठ होटलका संचालन भरत भट्टराई , गणेश पुस्तक पसलका संचालन गगन श्रेष्ठ ,नेपाल लाइफ इन्स्योरेन्सका सुखड शाखा प्रमुख भक्त बहादुर चन्द ,कोहलपुर डेन्टल हस्पिटलका संचालन करन शाहि तथा पहलमान देउवाले संयुक्त रुपमा सहयोग गरेका थिए ।
सहयोगी श्रेष्ठले आफ्नो विगत देखी नै साहारा घरलाई सहयोग गर्ने चाहाना रहेको कुरा वताउदै यो सुरुवात भएको र अव आगामी दिनमा पनि यसले निरन्तरता पाउने वताए ।
असाहयका लागी सहयोगी हातहरु नेपालद्धारा बर्दगोरियामा सञ्चालनमा रहेको सहारा घरमा हाल ४२ जना बेसहाराले सहारा पाइरहेका छ्न ।