राष्ट्रपति भण्डारीको सवारीका कारण बन्द हुँदैछन् यी सडक
काठमाडौं– राष्ट्रपति विद्यादेवी भण्डारीलगायत विशिष्ट व्यक्तिको सवारीका कारण काठमाडौंका केही सडक रुट प्रभावित हुने भएका छन्।
महानगरीय ट्राफिक प्रहरी महाशाखाका अनुसार महाराजगन्जज–लाजिम्पाट–लैनचौर–केशरमहल–दरबारमार्ग–जमल–न्यूरोड–भद्रकाली–सिंहदरबार–माइतीघर–नयाँ बानेश्वरसम्मका सडक प्रभावित हुनेछन्।
सरकारको नीति तथा कार्यक्रमलाई सम्बोधन गर्न अन्तर्राष्ट्रिय सम्मेलन केन्द्र बानेश्वर आउने कार्यक्रम भएकाले दिउँसो साढे ३ बजेदेखि केही समयका लागि उक्त सडक प्रभावित हुने बताइएको छ।
यी सडक प्रभावित हुने हुँदा वैकल्पिक सडकको रुपमा महाराजगन्ज–बालुवाटार–नक्साल–जयनेपाल–कमलपोखरी–पुलतीसडक–अनामनगर–थापागाउँ वा चक्रपथको बाटो प्रयोग गर्न ट्राफिक प्रहरीले आग्रह गरेको छ।