रोल्पामा बस दुर्घटना: २ को मृत्यु
रोल्पा । रोल्पाको सुनिल स्मृति गाउँपालिका–३, रुइनिबाङस्थित लुङ्ग्री खोलामा बस खस्दा दुई जनाको मृत्यु भएको छ ।
रुइनिबाङ बजारको जीप पार्कमा फर्काउने क्रममा ब्याक गर्दा आर्शीवाद यातायात प्रा.लि.को ग १ ख ५५३७ नम्बरको बस खोलामा खसेको हो ।
दुर्घटनामा लुङ्ग्री गाउँपालिका–३ का २२ वर्षीय चालक यामलाल घर्ती र लुङ्ग्री गाउँपालिका–२ का १८ वर्षीय यात्रु सूर्यलाल जीएमको मृत्यु भएको प्रहरीले जनाएको छ ।
बसमा अन्य यात्रु नभएको प्रहरीले जनाएको छ ।