राजु लामाले ल्याए अर्को गीत: ‘बिहे नगरी भाछैन’
काठमाडौं – मंगोलियन हर्टका लिड गायक राजु लामाले नयाँ गीत बजारमा ल्याएका छन् ।
राजु लामाको आवाज रहेको उक्त गीत ‘बिहे नगरी भा’छैन’ सार्वजनिक भएको छ ।
गीतको भिडियो ओएसआर डिजिटलको आधिकारिक युट्युबमा च्यानलमार्फत सार्वजनिक गरिएको हो ।
गीतमा बिहे गर्नुपर्ने अवस्था आएको एक युवकको भावना समेटिएको छ ।
यस्तै गीतमा राजु लामाको आवाज तथा आरबी लामाको लय र संगीत रहेको छ ।
भिडियोमा हेरुक लामा, निरञ्जली लामा, चाँदनी मोक्तान लगायतले अभिनय गरेका छन् ।
साथै भिडियोलाई हेरुक लामाले निर्देशन गरेका हुन् ।