संसदमा कांग्रेसकी सचेतक पुष्पा भुसालको बिजोग
काठमाडौं– नेपाली कांग्रेसकी सचेतक पुष्पा भुषाललाई कोरोना सङ्क्रमणबाट विश्वमा कति प्रभावित छन भन्ने नै थाहा नभएपछि आलोचनाको शिकार बनेकी छन् ।
उनले संसदमा कोरोनाभाइरसबाट विश्वभर ६५ सय मानिसको मृत्यु भएको गलत तथ्याङ्क बताएर सरकारको चर्को आलोचना गरेपछि उनि आफै आलोचित बनेकी हुन् ।
बिहिबारको प्रतिनिधि सभा बैठकमा कांग्रेस सचेतक पुष्पा भुषालले संसारभर ६५ सय मानिसको मृत्यु हुँदा पनि नेपालमा सरकारले संक्रमणको जोखिम रोक्न तयारी नै नगरेको भन्दै सरकारको चर्को आलोचना गरेकी हुन् ।
संसदको बिशेष समयमा बोल्दै भुषालले ६५ सयको मृत्यु भएको अभिव्यक्ती दिएकी हुन् । जवकी कोरोना भाइरसबाट हालसम्म ४ हजार ६ सय ३४ जनाको मृत्यु भएको छ ।
भुषालले मृतकको संख्या नै बढाएर दिएको अभिव्यक्तिले उनि नै आलोचित बनेकी छन् ।
भुषालले संक्रमण देखिए आफैं क्वारेन्टाइनमा बस्नुपर्ने भनेर स्वास्थ्यमन्त्री भानुभक्त ढकालले दिएको अभिव्यक्तिले जनता अझ त्रसित भएकाले सरकारले जवाफ दिनुपर्ने बताइन् ।
कोरोनाभाइरसका नाममा अत्यावश्यक बस्तुहरु खाद्यन्न ग्यासँ पेट्रोलियम पदार्थ ३० प्रतिशतले मूल्य घट्दा पनि महंगोमा बिक्री भइरहेको भन्दै उनले अनुगमन प्रभावकारी बनाउनुपर्ने माग गरेकी छन् ।