पूर्वराजालाई पाँचथरमा जयजयकार
पाँचथर। पूर्वराजा ज्ञानेन्द्र शाहले पाँचथरको फिदिम नगरपालिका–४, गढीमा रहेको सुमहात्लुङ मन्दिरमा पूजा–अर्चना गरेका छन् ।
सोमबार फिदिम आइपुगेका उनले मंगलबार दिउँसो मन्दिरमा पूजा गरेका हुन् ।
फिदिमबजारको मनस्वी होटलमा बसेका पूर्वराजा शाहलाई भेट्न सयौंको संख्यामा शुभचिन्तकहरुको भीड लागेको थियो ।
होटलदेखि आहालगैरीसम्म पैदल हिँडेर उनले सर्वसाधारणका कुरा सुनेका थिए ।
त्यसक्रममा समर्थकहरुले ‘राजा आऊ, देश बचाऊ’ भन्दै नारा लगाएका थिए ।
सुमहात्लुङ मन्दिर लिम्बूहरुको शक्तिपीठ हो ।