प्रचण्ड भन्छन: प्रदेश ५ को राजधानी दाङ बनाउने हो

दाङ । पूर्वप्रधानमन्त्री तथा नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले प्रदेश नं. ५ को राजधानी दाङलाई बनाउने तयारी भएको सङ्केत गरेका छन्। प्रचण्डले त्यसको लागि आफैले पहल गरिरहेको समेत बताएका छन ।

प्रेस संगठन दाङले आज बिहान घोराहीमा आयोजना गरेका पत्रकार सम्मेलनमा प्रदेशको केन्द्र दाङ बन्ने भन्दै प्रदेशको राजधानी दाङ राख्न उपयुक्त भएको बताए ।

प्रचण्डले सरकारले केही दिनअघि गरेको प्रदेश प्रमुखको नयाँ नियुक्तिलाई समेत सामान्य भएको समेत बताएका छन् । उनले उपनिर्वाचन सफल बनाउन नेताकार्यकर्तालाई लाग्न अनुरोध समेत गरेका छन् ।

५ नम्बर प्रदेशको राजधानी बारे मंगलबार नेपालगञ्जमा बोल्दै उनले सबै प्रक्रिया टुंगिएको बताएका थिए।