प्रहरी र स्थानीयबीच झडप: दुई प्रहरी घाइते, दश राउन्ड फायर
बारा – बाराको सिम्रौनगढ नगरपालिका-७, सतुआहीमा सशस्त्र प्रहरी र स्थानीयबीच झडप भएको छ । सतुआही नाकामा शुक्रबार राति छोकडा बरामद गर्ने क्रममा झडप भएको हो।
अवैध रुपमा भारततर्फ लैजाँदै गरेको छोकडा बरामद गर्ने क्रममा झडप भएको प्रहरीले जानेको छ । झडपका क्रममा सशस्त्र प्रहरीले दश राउन्ड हवाई फायर गरेको छ ।
सशस्त्र प्रहरीले बरामद गरेको छोकडा स्थानीयबासीले खोसेर लगेपछि झडपकाे स्थिति सिर्जना भएकाे थियाे ।
सशस्त्र प्रहरीको टोलीमाथि आक्रमण गरेपछि हवाई फायर गर्नु परेको सशस्त्र प्रहरी बल १२ नम्बर गणले जनाएको छ ।
झडपका क्रममा दुई जना सशस्त्र प्रहरी जवान घाइते भएका छन् । फाइल तस्बिर