नक्कली सुनसहित हेटौंडाबाट दुई जना पक्राउ

हेटौडा । जिल्ला प्रहरी कार्यालय मकवानपुरले नक्कली सुनसहित दुई जनालाई पक्राउ गरेको छ । प्रहरीले चेक जाँचको क्रममा भैसेबाट हेटौडातर्फ आइरहेको मोटरसाइकल नक्कली सुन फेला पारेको हो ।

पक्राउ पर्नेहरुमा दोलखा जिरी नगरपालिका–३ बस्ने मोटरसाइकल चालक ४७ वर्षीय ध्यालसिंह शेर्पा र सोहि मोटरसाइकलमा सवार मकवानपुर राक्सिराङ्ग गाउँपालिका–४ बस्ने अभय कुमार थिङ्ग रहेका छन् ।

जिल्ला प्रहरी कार्यालय मकवानपुरबाट खटी गएको प्रहरी टोलीले त्रिभुवन राजपथ अन्तर्गत हेटौंडा १ चौकिटोलमा भैँसेबाट हेटौंडा तर्फ आउदै गरेको बा ९३ प ९०६ नम्बरको मोटरसाइकल चेकजाँच गर्दा शेर्पाको साथबाट १ किलो फाइन गोल्ड ९९९.९ सिओ २२६६६५० लेखिएको सुन जस्तो देखिने पहेलो रङ्गको चारपाटे आकारको नक्कली सुन बरामद गरेको प्रहरी कार्यालय मकवानपुरले जनाएको छ।