एलओडी क्लब पुगेर ओलीले गरे र्याप गीत सार्वजनिक
चुनावकाे तीव्र प्रचारमा उत्रेका एमाले अध्यक्ष केपी ओली हिजो राति ठमेलस्थित क्लब एलओडी पुगे ।
शुक्रबार एलओडीमा युवाहरूको ठूलो भीड हुन्छ । यही मौकामा त्यहाँ पुगेर ओलीले एक र्याप गीत पनि सार्वजनिक गरे । उक्त र्याप ओलीकै बारेमा छ ।
ओली एलओडीमा छिर्दा ‘शहर शहरमा ओली’ बोलको गीत लगाएर स्वागत गरिएको थियो । उनले त्यहाँ झण्डा फहराएर युवाहरूलाई अभिवादन गरे ।
पछिल्लो समय ओलीले युवाहरूको भोट तान्न विभिन्न उपाय अपनाइरहेका छन् । उनी यसअघिभन्दा अझै बढी सामाजिक सञ्जालमा सक्रिय भएका छन् ।
टिकटकमा आफू र एमालेबारे बनाइएको भिडियोहरू उनी फेसबुकबाट शेयर गरिदिन्छन् । र, अब युवाहरूको भीड हुने क्लबहरूमा पुगेर आफूतिर आकर्षित गर्ने प्रयास गरिरहेका छन् ।