ओली–प्रचण्ड एकाएक शितल निवास पुगे, के हुँदैछ नयाँ ?

काठमाडौं- नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल एकाएक राष्ट्रपति कार्यालय शितल निवास पुगेका छन् ।

बालुवाटारमा दुई अध्यक्ष बीच भएको लामो छलफल पछी दुवै जना शितल निवास तर्फ लागेका हुन् । मन्त्रिपरिषद पुनर्गठनको तयारीमा रहेका नेकपाका अध्यक्षद्वय शितलनिवासबाट फर्किए पछि सचिवालय बैठक बस्दैछ ।

हटाइने मन्त्रीको नाम टुंगो लगाउन र नयाँ मन्त्रीबारे छलफल गर्न बिहान ९ बजे सचिवालय बैठक बोलाइएको थियो । तर, अध्यक्षद्वयको भेटवार्ता शितलनिवास जाने भए पछि सचिवालय सरेको छ ।

सचिवालय बैठक दिउँसो साढे १२ बजे बोलाइएको छ । सचिवालय लगत्तै मन्त्रिपरिषद् पुनर्गठन गर्ने भएको छ ।